Lombard o’zi nima?

Lombard – zargarlik buyumlari garovi ostida tez va oson kreditga ega bo’lish imkoniyati. Shu tariqa, mijoz nafaqat pul mablag’iga ega bo’ladi, balki garovning xavfsizligiga ham ishonch hosil qila oladi. Mulk lombardda bo’lgan davrda unga sug’urta rasmiylashtiriladi.

Hayotida bir marta ham pul yetishmovchiligiga duch kelmagan odam bo’lmasa kerak. Do’stlaringizdan qarz so’rashingiz mumkin. Lekin ularda ham ortiqcha pul bo’lmasligi mumkin. Bankdan kredit olish uchun ariza topshirib ko’rishingiz mumkin, lekin arizani ko’rib chiqishning o’zi bir necha kun davom etishi mumkin va bank kredit berishdan bosh tortmasligiga ham kafolat yo’q. Biroq, hech qanday savollarsiz va tom ma’noda bir necha daqiqada naqd pulga ega bo’lish imkonini beruvchi bitta usul bor – bu lombard.

Ilgari, lombard xizmatlaridan foydalanish biroz obro’siz ish hisoblanardi. Ayni paytda, bu barcha qarindoshlar va do’stlarni vaqtinchalik moliyaviy qiyinchiliklar haqida xabardor qilmasdan, qiyin moliyaviy vaziyatdan chiqishning juda oqilona yo’lidir. Lombardda naqd pul olish uchun qimmatbaho buyumni garovga qo’yish kifoya, keyin moliyaviy ahvol yaxshilanganda, u buyumni qaytarib sotib olish mumkin.